بدنا رئيس وزارة بالعقل

بدنا رئيس وزارة، بالعقل ومهي بالنطارة
بدنا رئيس وزارة، عتقي وبجدايل، ما هو ملووق، زلمة بجدارة
بدنا رئيس وزارة، حرّاث وعلامته شريف تعرفه بالإمارة
بدنا رئيس وزارة، متحدّث وفهمان ويعرف الأصول والحضارة
بدنا رئيس وزارة، كابتن وإبن سوق ولعّيب ويفوز بالقطّارة
بدنا رئيس وزارة، بزقّته دواء، قرميّة عتقيّة ، قدّها يقعد بالصدارة
بدنا رئيس وزارة، قول وفعل وحلول، مهو بو ضرائب وخمّارة
بدنا رئيس وزارة، بخيل بالإنفاق، كريم بالترياق، مهو بو زحليقة وقمّارة
بدنا رئيس وزارة، بتطبيق وتلبيق، مهو بو تنظير وخسارة
بدنا رئيس وزارة، يعرف الإيتيكيت والخاشوقة والسحلة، ويوكل بيده ويشرشر شرّرارة
بدنا رئيس وزارة، زاهد ولابد وعابد، وعايف التنك، مدقدق عايف الغدّارة
بدنا رئيس وزارة، يرفع رأسنا فوق، بالقمر والحضر والبادية بو فهم وشطارة
بدنا رئيس وزارة، مزيون وإبن فنون، مرسوم بالعدل والحلم وبالإدارة
بدنا رئيس وزارة، بالكرته وبلا جراب، لنقظب المنطقة ونكون المنارة